sie sitzt in dr stube und spielt klavier luegt scho lang nümm uf d'note unagnämi bote vor nöchste stund sie spielt und spielt sich die chline finger wund ihri mueter wo chunnt sait: "chind bisch nit gsund?" nimmt si in arm. ihri hut weich und warm aber im chline härz schlotz alarm scho lang cha sie nöchi nümm gniesse will d'gedanke an d'klavierstund si nit nur verdriesse, sie het angst und nit nur das die gfühl kenne kei mass wenn sie nur chönnt s'mul ufmache wenn eltere, fründe si froge wieso si nümm chann lache aber wem sött sie sich denn avertraue wie us unbeschrieblichem wörter, sätz afo baue sie isch nit elai und doch wird sie hart wie stei sie isch no so chlai und chas gar nit fasse wie sich dr ekel in ihre füllt in masse vo krämpf im buuch wo knurrt vor wuet und ohnmacht git sie sich sälber d'schuld für das wo mer mit ihre het gmacht s'inefrässe vo alldäm bringt sie zrug zu däm klavier wo sie niemerem öppis sait weder dir noch mir alles wo sie vo sich git landet uf dene taste d'melodie tönt tragisch trurig und innerlich am dureraschte alles plastisch durchsichtig. jedes sträbe vergäbe d'umwält fremd und bedrolich und sie verstohts nit was lohnt sichs nei z'sage wenn öpper trotzdem wiiter macht? angst vor em tag. fieberwahn in dr nacht wieso hend erwachsni so viel macht? sie bedrängt vo froge beängt spielt witter und dänkt an das wo isch gsi verchriecht sich in sich und in ihrer melodie johre spöter. sie isch scho lang erwachse suecht e job und het kai gäld. drait sich um di eigni achse bsuecht si ihri mueter. scho en ewigkeit nüm gse dass sie sich nüm verstönd tuet tief inne no weh sie sitze in dr stube und trinke ne tee plötzlich d'mueter stoht uf, nimmt decki vom klavier sait jetzt bisch scho mol bi mir, spil mr doch öppis vor sie witteret vo färn no e gfohr setzt sich uf ihre stuel. luegt uf ihri händ plötzlich isch alles wider do. s'sächste elemänt es wird schwarz. e melodie dringt in ihre ghörgang i brennt sich in ihres härz und sie schreit vor schmärz ihri hand wird e fusch und sie hämmeret und schlot uf s'klavier wo ihri schutzmuur bedroht sie wünscht sich sie wär tot. s'isch z'spot s'isch alles wider do. bilder, gedankefätze vor ihrne auge und sie wills nit glaube wie het sie das alles chönne lo verstaube träne brenne. unbändige hass. s'gfühl öpper heig für sie ihri chance verpasst erinnerig überwältigt sie, dringt tief in sie i sie sitzt da krümmt und zitteret. nur näbel um sie umme wennd melodie nur ändlich würd verstumme sie erhebt ihri fuscht im gfühl vo ewigem verluscht sie isch s'versuechsobjekt und me het sie verpfuscht und jetzt stoht sie vor mir. sie het sich gschlage und kämpft damit zit und überwindig ihri wunde biz dämpft damit d'vergangeheit s'läbe nümm täglich bestimmt damit sie weiss sie trait kai schuld und au weiss dass das stimmt damit sie ufmacht, chan lo go. neus vertraue becho damit d'echos nümm so quälend in ihre verhalle het sie d'mure verschlage wo sich in ihre wänd verchralle läbt irgendwie doch immer mit dr gwüssheit dass sie dr ablick vom klavier wohl nieme vertrait ihri erläbniss hän sie und ihri umgäbig vore schwäri ufgob gstellt und ich weiss oft gnueg nit was sage, wenn sie mir das verzellt ich han oft nit chraft und wort ich wünsch mir für sie en sichere ort ich chanere mini ärm gä und mini ufmerksamkeit aber gnueg oft mache sich die gedanke wider breit und ich ha sgfühl ich heig versait bis ich gseh meh chan ich gar nit ge. nur e liebends warms näscht aber nüt wo sie beschützt vorem räscht dini gschicht isch e teil vo mier wo ich nieme verlier du bisch e uralts buech und zvil sitte sin beschribe irgendwenn vilicht sin träne gange und d'wuet wird blibe uf dim wäg sin d'strosse unterhölt und d'leitplankene verroschtet wie vil asträngig jede schritt dich choschtet weiss ich und verzwiflig schmeiss ich die ziele in dräck wünscht s'wäre bleischtift spure und mit em gummi putzt sichs wäg ich lieb dini chraft di wuet und di muet näbe dir z'stoh und z'lache duet mir so guet ich wünscht es wär guet