“Etxe bat” SKT Sekuentziaren bigarren diskoa

Bizitza sekuentzia txikiz osatutako pelikula bat da. Eta sekuentzia horietako bat SKTrena izatea nahiko genuke. Horregatik SKT Sekuentzia. Horregatik bigarren disko hau ere.

Etxe bat jarri diogu diskoari izena Koldo Izagirreren poema batean oinarritutako kantu bat egin dugulako. Xabier Izagaren letrarekin beste kantu bat egin dugu, Loreak udan ihintza bezala izenekoa. Gainerako bederatzi kantuetako letrak gureak dira.

Etxe bat etxean sortu, grabatu eta ekoiztutako diskoa da eta ekainaren 26an Zarauzko Txosnetan jotzekoa dugun kontzertuan aurkeztuko dugu. Hala ere, diskoa entzun, jaitsi eta moldatzeko aukera hementxe berean duzue.

Taldeko kideak:

Mattin Epelde Pagola: bateriajolea eta diskoa grabatzean teknikari lanak egiten ari da

Gari Larrañaga Azkue: gitarra eta baxua bereak dira

Imanol Epelde Pagola: ahotsa eta letrak

Aipamen berezia Hodei Estebani diskoa itxura ederrez atontzen egin duen lanagatik.