Lyrics

Sta a Sente - Sta a Sente (2) Sempre davanti a l'ochji

Sempre davanti à l'ochji un littorale l'aghju
Spianata d'orizonte e dirittu renaghju

Sempre davanti à l'ochji una terra si ghjace
Stanca cum'è a storia chi passa è ci dispiace


Sempre davanti à l'ochji mi si pare di vede
Centu strade à l'apertu e funtane da bele

Sempre saraghju corsu sempre ti teneraghju
E senza altru rimorsu piu bella ti feraghju
(x 2)

Sempre in punta di core un sintimucciu l'aghju
E tamantu issu ponte sopra ogni viaghju

Sempre in punta di core un amore mi face
Rinasce la memoria a i ricordi pace

Sempre in punta di core ci aghju messu una sete
Di ventu è di bellezza e di l'albe piu chete

Sempre saraghju corsu sempre ti teneraghju
E senza altru rimorsu piu bella ti feraghju
(x 2)



Paroles G. FUSINA
Musiques C. RISTORCELLI
Arrangements Sta a Sente